Kryeministri i Kosovës, Avdullah Hoti është shprehur se ka një komunikim të vazhdueshëm jo vetëm me kryeministrin Edi Rama por edhe me përfaqësuesit e opozitës.
Ai tha se ka komunikim të vazhdueshëm me kreun e qeverisë shqiptare që ndryshon në varësi të problematikave të dy vendeve.
Më tej, Hoti deklaroi se Kosova do t;i bashkohej Mini-Shengenit, pasi ai personalisht beson te parimi i konsultimit për nismat regjionale.
“Marrëdhëniet mes Prishtinës dhe Tiranës kanë pasur episode por nuk ndikojnë. Komunikimi im me Ramën dhe përfaqësuesit e opozitës është i plotë dhe i përherëshëm, pa protokoll. Jemi dy vende komplimentare. Kontakte me Ramën? Varet prej nevojës, jemi koordinuar bukur dhe mirë, konsultohemi për nismat regjionale. Kemi vendosur që t’i bashkohemi Mini-Shengenit. Besoj tek ky parim.“– tha Hoti në ”Ora News”.
