E premte, 22 Janar, 2021
11 C
Tirana

Dështon takimi i ekspertëve maqedono-bullgar për kontestet mes dy vendeve

Ekspertët e historisë të Maqedonisë së Veriut dhe Bullgarisë kanë zhvilluar të premten një takim online lidhur me kontestet për personalitetet nga e kaluara, dhe për çështje që lidhen me historinë, por takimi ka përfunduar pa asnjë marrëveshje konkrete.

Pala bullgare, sipas anëtarëve maqedonas të komisionit, ka refuzuar të nënshkruajë konkluzionet edhe të mbledhjeve të tjera për shkak të përdorimit në to të mbiemrit “maqedonas”, madje edhe para përdorimit të gjuhës.

“Kolegët bullgarë po përpiqen të imponojnë rrëfimin etno-kombëtar dhe ekskluziv bullgar si të vetmin që duhet të studiohet në librat shkollorë në Maqedoninë e Veriut. Shumica e ekipit bullgar në Komision nuk mendon se ky është sistemi arsimor i një vendi tjetër dhe se nuk mundet që një shtet t’i diktojë një shteti tjetër atë që do të mësohet në shkollat në Maqedoni (të Veriut)”, ka deklaruar bashkëkryetari maqedonas i Komisionit, Dragi Gjorgiev.

Dështimin e takimit e ka konfirmuar edhe bashkëkryetari bullgar i Komisionit, Angel Dimitrov.

“Rezultati i takimit të 11-të është zero. Ne nuk kemi bërë një hap të vetëm para. Një arsye për këtë, megjithëse duket teknike, është akoma politike. Kolegët tanë nga pala maqedonase refuzojnë të nënshkruajnë procesverbalin. Ata u përpoqën të vendosnin mbiemrin ‘maqedonas’ kudo, që nuk është në përputhje me praktikën e vendosur. Duke refuzuar të nënshkruajmë procesverbalin, puna jonë vihet në pikëpyetje, sepse pa një dokument mbi atë që u diskutua dhe cilat vendime u morën në mbledhjet tona, bëhet e pasigurt gjithçka tjetër”, ka deklaruar bashkëkryetari bullgar i Komisionit, Angel Dimitrov.

Paraprakisht kryeministri maqedonas Zoran Zaev kishe shprehur besimin se Komisioni do të arrijë sukses që shihej si mundësi e mirë për kapërcimin e dallimeve me Bullgarinë, e cila ka bllokuar kornizën negociuese të Maqedonisë së Veriut me Bashkimin Evropian.

Lexo edhe :   Maqedonia e Veriut publikon pagat e kabinetit, Zaev paguhet më pak se Rama

Maqedonia e Veriut ka emëruar Vllado Buçkovskin, ish-kryeministër, si të dërguar të posaçëm për Bullgarinë. Buçkovski të premten është nisur për në Sofje në bisedime me zyrtarët bullgarë, por detaje nga kjo vizitë nuk janë dhënë.

Lexo edhe :   Maqedonia e Veriut publikon pagat e kabinetit, Zaev paguhet më pak se Rama

Bullgaria konteston gjuhën dhe identitetin maqedonas, duke kërkuar nga autoritetet që të pranojnë se ato kanë rrënjë bullgare.

Zyrtarët maqedonas kanë thënë se për çështjet që kanë të bëjnë me identitetin nuk do të ketë negociata.

Opozita maqedonase ndërkohë tani disa ditë po organizon protesta kundër siç ka thënë “shitjes së interesave kombëtare e shtetërore” nga qeveria e kryeministrit Zoran Zaev. Ajo ka kërkuar dorëheqjen e qeverisë dhe organizimin e zgjedhjeve të parakohshme./REL/

- Reklama -

Më shumë nga kategoria




Të fundit

Aksident në Pukë, humb jetën një person

Një aksident i rëndë me pasojë vdekjen është regjistruar mbrëmjen e sotme në fshatin Dedaj të Pukës. Shtetasi i identifikuar me inicialet L.M, ka qenë...

Ish-komandanti i ushtrisë boshnjake dënohet për krime lufte

Gjykata e Sarajevës e ka dënuar me 10 vjet burgim një ish-komandant të ushtrisë boshnjake, pasi erdhi në përfundimin se ai ka dështuar të...

Përgjimet/ Mafia Italiane mësyn në Tiranë, biseda për pallate dhe tendera

Antimafia e Katanzaros në Itali, ka goditur tri ditë më parë një grup mafioz, ndërsa përgjimet telefonike të personave në hetim kanë zbardhur ryshfetet...

Video/ Klopin nuk e mbajnë nervat, përplaset me trajnerin kundërshtar

Në sfidën e djeshme të Premier Ligës ku Liverpuli u mund në “Anfield” me rezultatin minimal 0-1 ndaj Bërnlit, në pushimin e këtij takimi...

Qysh sot, çdo ditë të jetë 21 Janar

Nga: Frrok Çupi Për gjithë planetin sot është data 22, por për ne shqiptarët duhet të jetë, si dje- 21 Janar. Edhe nesër, e pasnesër,...