Kryeministri i Kosovës, Avdullah Hoti, do të udhëtojë ditën e sotme drejt Parisit, në Francë. Mësohet se Hoti do të takohet nesër me presidentin francez, Emmanuel Macron.
“Pritja zyrtare që bëhet enkas për kryeministrin e Republikës së Kosovës në Pallatin Elize në Paris, tregon kujdesin dhe përkushtimin e presidentit Macron ndaj Kosovës dhe të ardhmes së saj euroatlantike”, thuhet në njoftimin e zyrës për Informim të Kryeministrit.
Ndërkohë, ditën e diel më 12 korrik pritet të rifillojë dialogu Kosovë-Serbi nën mbikëqyrjen e Bashkimit Evropian.
