Pas kryeministrit Edi Rama, fjalën në mbledhjen e përbashkët të dy qeverive e mori kryeministri i Kosovës, Avdullah Hoti. Hoti falenderoi homologun e tij për mikpritjen, që ai e cilësoi “vëllazore”.
Kryeministri i Kosovës, Avdullah Hoti, tha se në marrëveshjet që do të firmosen sot mes dy qeverive, tregojnë përkushtimin e tyre për përmirësimin e jetës së qytetarëve.
Më tej Hoti theksoi se njëra ndër marrëveshjet do të jetë edhe krijimi i një fondi të përbashkët për Luginën e Preshevës.
“Kemi vlerësuar se përmes implementimit të këtyre marrëveshjeve, siç është krijimi i fondeve të përbashkët në mbështetje të Luginës së Preshevës.
Marrëveshja për bashkëprodhim të filmit, bashkëpunimi në fushën e transportit, bashkëpunimi në platformën dixhitale. Bashkëpunimi i thellë i ministrive të Kulturës, bashkëpunimi i dy ministrive të Shëndetësisë, në atë të sigurisë, ekonomisë dhe paradalimin e evazioni fiskal tregojnë përkushtimin dhe përcaktimin tonë për të zgjidhur problemet”, tha Hoti.
