Kryeministri Avdullah Hoti ka udhëtuar ditën e djeshme në Bruksel, me rastin e fillimit të dialogut me Serbinë.
Lidhur me këtë nuk ka pasur ende një njoftim zyrtar nga zyra për informim e Kryeministrisë. Ka qenë shefi i EULEX-it i cili thotë se e ka parë Hotin në aeroplan.
Përmes një postimi në Twitter, Lars-Gunnar Wigemark, ka lavdëruar Hotin që ka udhëtuar në klasin ekonomik dhe jo në atë të biznesit.
“Heqim kapelat për kryeministrin e Kosovës, Avdullah Hoti, i cili sot udhëtoi me ne në klasën ekonomike në aeroplanin Prishtinë – Vjenë dhe më pas në aeroplanin nga Vjena në Bruksel. Sa kryeministra të tjerë të Ballkanit Perëndimor do t’i kursenin të hollat e taksapaguesve në këtë mënyrë?”, ka shkruar ai.
Hats off for #Kosovo 🇽🇰 Prime Minister @Avdullah Hoti who today travelled with the rest of us in economy class on the ✈️ Pristina to Vienna and on the ✈️ below from Vienna to Brussels. How many other Western Balkans’ Prime Ministers would save on tax payers money in such a way? pic.twitter.com/XiOmXyY5w7
— Lars-Gunnar Wigemark (@LarsGWigemark) July 14, 2020
Ditën e enjte pritet të takohen për herë të parë, kokë më kokë kryeministri i Kosovës, Avdullah Hoti, dhe presidenti i Serbisë, Aleksandër Vuçiç.
