Kryeministri në detyrë i Kosovës, Avdullah Hoti ka bërë sot një rankim të qyteteve për nga ndikimi i masave të Covid.
Përmes një postimi në rrjetet sociale, ai ka shkruar se situata në Kosovë është duke u përmirësuar.
Sipas tij, tani më shumë se kurrë qytetarët duhet që të kenë kujdes pasi varianti i ri i Covid-19, është në qarkullim dhe se po përhapet shumë shpejtë.
”Rangimi i komunave i bërë sot lidhur me masat anti Covid-19 tregon se po përmirësohet gjendja. Por, duhet të kemi kujdes maksimal pasi tani po qarkullon varianti i ri i virusit covid-19, i cili po përhapet shumë më shpejt.”, shkruan Hoti në Facebook.
Që prej marsit të vitit 2020, e deri më 8 janar 2021, Kosova ka regjistruar 53.264 raste pozitive me COVID-19.
Prej tyre, 1.368 pacientë kanë vdekur dhe 45.000 janë shëruar, dhe raste aktive janë 6.896.
