Sot në studion e emisionit “Me Zemër të Hapur” në News24 ka ardhur rrëfimi i një gruaje 60-vjeçare nga Burreli. Gruaja ka kaluar në jetë shumë peripeci, bashkëshorti i parë është ndarë nga jeta në moshë të re, fëmijët nga martesa e parë kanë qenë njëri 3 vjeç dhe tjetri 6 vjeç.
Duke qenë se gruaja ishte në një moshë shumë të re, familja e martoi me shkuesi. Nga martesa e dytë lindi edhe një vajzë. Por bashkëshorti e dhunonte shpesh herë, i dhunonte fëmijët e gruas nga martesa e parë dhe gruan ndaj dhe martesa e dytë shkoi drejt divorcit.
“E mbetur 33 vjeçe u detyrova t’i rrisja e vetme tre fëmijët. Pasi dy vajzat dolën në jetë, me mua mbeti djali i cili vuan nga skizofrenia. Aktualisht djali është 40 vjeç”, tregoi gruaja, e ciLa sot përballet e vetme me sëmundjen e djalit, i cili e dhunon vazhdimisht.
“Sëmundja sa vjen dhe rëndohet, dhe ai sa vjen dhe bëhet më agresiv. Kam kërkuar shpesh herë ndihmë edhe në bashkinë e qytetit edhe polici, por asnjë zgjidhje”, thotë 60-vjeçarja, duke kërkuar rehabilitimin e djalit. Zonja jeton vetëm me ndihëm ekonomike e cila është 15 mijë lekë të vjetra. Kushtet e vështira e kanë sjellë nënën në emisionin “Me zemër të hapur”, ku bëri apel për ndihmë. /balkanweb.com
