Hetimet ndaj Napolit për ndeshjen me Juventusin, prokurori merr vendimin

Prokurori i Federatës Italiane, Xhiuzepe Çine, ka urdhëruar mbylljen e hetimeve për Napolin, në lidhje me mos paraqitjen për ndeshjen ndaj Juves në kampionat më 4 tetor të vitit të kaluar, pasi në skuadër kishin rezultuar pozitiv me koronavirus 2 lojtarë.

Pas hetimeve të kryera, është zbuluar se Napoli i ka respektuar të gjitha protokollet e vendosura nga qeveria dhe për këtë arsye nuk është paraqitur në ndeshje.

Thuhet se Napoli ka vepruar në përputhje me protokollin e vendosur nga Ministria e Shëndetësisë më 18 qershor të vitit të kaluar.

Në këtë situatë prokurori Çine ka urdhëruar ndërprerjen e hetimeve për skuadrën e Napolit, duke e konsideruar gjithçka të rregullt.

Më parë është vendosur që ndeshja mes dy ekipeve në kampionat të luhet, por nuk ka ende një datë se kur do të zhvillohet.