Rama zbulon 3 skenarët dhe tregon se kur do të përfundojë vaksinimi anti-covid

Kryeministri Edi Rama zbuloi skenarët e vaksinimit të shqiptarëve me vaksinën kundër koronavirusit, ku tha se procesi parashikohet të mbyllet për 14 muaj.

I ftuar në emisionin Open, Rama tha se 2.2 milionë shqiptarë duhet të marrin injektimin e vaksinës kundër koronavirusit.

Duke u ndalur te kontrata me kompaninë Pfizer, kryeministri deklaroi se do të bëhet publike, pasi do dërgohet në parlament.

Edi Rama: “Kemi garantuar 500 mijë doza. 10780 do vijnë në janar. Do vijnë rreth 30 mijë në shkurt. kemi parashikuar me tre skenar ta mbyllim për 14 muaj. Në skenarin e tretë është në 24 muaj. Spanja tha se do e mbylli në vitin 2024 . Duam të jemi ambiciozë dhe ta mbyllim në 14 muaj. Ajo që po them është se ne në bazë të këtij plani jemi të vendosur se duke ecur me shpejtësi të shkëpusim hallka. Vaksinimi ka dy efekte tek personi dhe tek komuniteti për të mos përhapur. Janë 2.2 milion e përafërt që presin.”