Duke marrë shkasë nga sherri i mbrëmjes së djeshme në Levan të Fierit, ish-ministri i Drejtësisë, Ylli Manjani ka sjellë në kujtesë deklaratën e bërë nga kryeministri Edi Rama drejtuar bandave, teksa thoshte “hënkshin kokat e tyre”.
Me anë të një njoftimi në rrjetin e tij social “Facebook”, Manjani shkruan se “hënkshin kokat e tyre”, po jep frytet e veta, ndërsa shtoi se shteti është kthyer në një ‘rrumpallë’. Sipas tij, atë që shteti nuk e bën dot as për 3 apo 30 vjet, njerëzit e bëjnë vetëm për 3 minuta.
“PPP-ja më e poshtër “hënkshin kokat e tyre”, po jep frutet e veta.
Njerëzit e bëjnë vetë për 3 minuta, atë që shteti nuk e bën as për 3 apo 30 vjet. Marrin armën dhe marrin hak për çfarëdo lloj sherri. —-
Kush tha që PPP nuk janë të efektshme?! Vetëm “parazitët e dështakët, kritikët e opozitarët” mendojnë kështu.
Qeveria/Kryeministri që ka hequr dorë nga rendi publik, “merr frymë thellë” sa herë njerëzit hanë kokat e njëri-tjetrit. ——
Policia duhet vetëm për të goditur të pabindurit ndaj qeverisë. Të tjerët i rujt zoti!
Hajde shtet hajde! Rrumpallhane!”, shkruan Manjani.
