Presidenti Hashim Thaçi ka dhënë dorëheqjen, pasi ka njoftuar se i është konfirmuar aktakuza nga Gjykata Speciale. Këtë e ka konfirmuar vetë në konferencën për mediat.
Thaçi konfirmoi sot aktakuzën e Prokurorisë Speciale ndaj tij, duke njoftuar njëkohësisht edhe dhënien e dorëheqjes si kreu i shtetit. Ai tha se do të përballej me këto akuza si qytetar i thjeshtë, dhe jo si president i Kosovës.
“Për përpjekjet tona për liri, pavarësi dhe shtetndërtim. Do të bashkëpunoj ngushtë me drejtësinë dhe jam në dispozicion të drejtësisë. Besoj në të vërtetën dhe të ardhmen e shoqërisë tonë.
Sot më shumë se kurrë ju lus dhe ju bëj thirrje të mos e humbisni shpresën, durimin. Sot më shumë se kurrë ju ftoj të reflektoni, sa shumë kemi fituar si komb në këto tri dekada.
Kemi fituar lirinë dhe pavarësinë. Aktakuza kundër meje, është çmim i vogël i radhës që kërkohet ta paguajmë për lirinë e vendit tonë.
Shumë lehtë kam mundur të mos jem fare në këtë botë, sikur shumë bashkëkombës tanë.
Jam krenarë së bashku me bashkësinë ndërkombëtare me aleatët tanë, që kemi luftuar regjimin gjenociadial të Millosheviçit që kemi fituar lirinë.
Kosova ka qenë viktima dhe Serbia agresori. Kjo është mundësi e re dhe duhet ta shfrytëzojmë si avantazh, dhe kjo mund të arrihet duke bashkëpunuar me bashkësinë ndërkombëtare.
Ju lus për maturi, qetësi dhe unitet e bashkim, të qëndrojmë të bashkuar.
Kosova është storie e suksesit, e suksesit qytetar. Nuk do të lejoj që para Gjykatës Speciale të dal presidenti i Kosovës. Unë sot jam dorëheqjen nga presidenti”.
