Kryeministri Edi Rama ka reaguar për herë të parë ndaj presidentit serb, Aleksandër Vuçiç, pasi ky i fundit publikoi në rrjetet sociale, hartën e Kosovës me flamurin e Serbisë.
Nga Kukësi, ku ndoqi nga afër procesin e vaksinimit të 250 mjekëve kosovarë, Rama u shpreh se harta e publikuar nga Vuçiç ishte një hartë leshi, dhe se kreu i shteti serb luan me kukulla në Facebook.
Ndër të tjera, Rama tha se nëse Kosova do të mbetet pas me vaksinimin, Shqipëria do të vaksinojë 11 mijë bluzat e bardha të Kosovës.
Edi Rama: “Sekret nuk mund të bëhej dhe do kishim penalitet unë kam thënë që në fillim është një vend i përbashkët sepse përtej faktit që jemi dy shtete dhe kemi një kufi është e thjesh të që Kukësi të funksionojë si bazë e përbashkët.
Kjo ndodhi pas asaj hartës së leshit që nxorri ai shoku në Beograd që luan kuklla në Facebook. Ne jemi 1, për atë punojmë dhe ëndërrojmë të gjithë. Kemi ndryshime por kemi një rrugë. Jam i lumtur që kemi çarë bllokadën e pamundësisë për vaksinimin. Presim një sasi të konsiderueshme së shpejti dhe mjekët e Kosovës nuk do i lemë vetëm me shpresë që InshAllah në Kosovë do të venë vaksinat. Të 11 mijë bluzat e bardha të Kosovës do i bëjmë nëse Kosova nuk merr vaksinat”.
