Kryetari i AAK dhe ish-kryeministri i Kosovës, Ramush Haradinaj, është shprehur se ka ndikuar për të penguar ndarjen e Kosovës. Në një intervistë për “Çim Peka LIVE”, ai shtoi më tej se e ka të kotë kushdo që flet për ndarje të vendit.
“Pengimin e ndarjes së Kosovës e kam bërë unë. Nuk mund ta rikthejë askush. Vështirë është për mu të flas se çfarë do të ndodhte në atë darkë. Gjenerali Matis pranuar ushtrinë e Kosovës sipas ligjeve në fuqi.
Ligjet e detyrojnë ushtrinë e Kosovës të mbrojë njësinë territoriale të Kosovës, e kush flet për ndarje të Kosovës, flet kot”, tha ish-kryeministri i Kosovës.
Ndër të tjera ai zbuloi se kryeministri i Kosovës Albin Kurti, nuk i ka shtrirë asnjëherë dorën e bashkëpunimit.
“Z. Kurti nuk ka kërkuar kurrë ndihmën time, por ka patur një qasje fyese ndaj meje. Nuk më është ofruar mundësia ti japë çdo lloj ndihme për ngjarje të natyrës nacionale. Jam shprehur se përkrah edhe qeverinë e re për interes nacional.
Por Kurti është vetëkënaqur. Kurti ka eksperimentuar me mënyrën se si e rrëzoi qeverinë në kohë pandemie”, tha Ramush Haradinaj.
“Kur isha në pushtet, Thaçin e kalova në pension. Ndërsa Kurti i bëri të gjithë armiq, dhe e rikthehu Hashim Thaçin”, shtoi kreu i AAK.
