Në një intervistë për mediat kosovare, ish-kryeministri Ramush Haradinaj ka lëshuar një lumë akuzash ndaj kryeministrit të sapozgjedhur Albin Kurit.
Sipas Haradinaj, Kurti po e heq taksën ndaj Serbisë si “shlyerje” borxhi. Ai ka aluduar se fushata e Vetëvendosjes mund të jetë e sponsorizuar nga Serbia dhe prandaj Kurti po tërhiqet nga kursi që kishte përcaktuar qeveria e tij. Sipas tij, tregues i interesave okulte është tërheqja në heshtje e Kurtit për heqjen e taksës.
“A do me e lypë ndonjëherë njohjen. Pse duhet të kthehet mbrapa. Nëse bashkë kthehen mbrapa, ka diçka më të thellë. Ose janë financuar nga dikush në zgjedhje, dhe ua ka bërë dikush fushatën. S’ka logjikë tjetër. Pasi s’po flet, se s’ka diçka tjetër këtu. Serbinë unë e kam prekur në xhep. S’kemi pasur armë të tjera ekuivalente ndaj Serbisë që kishim mundur ta preknim’’, është shprehur Haradinaj ndër të tjera.
