Kryetari i Aleancës për Ardhmërinë e Kosovës Ramush Haradinaj ka pohuar se miqësia dhe partneriteti strategjik mes Kosovës dhe Shteteve të Bashkuara të Amerikës janë të shenjta.
Haradinaj shprehet krenar për angazhimin e dy ushtarëve të FSK-së dhe kontributin e tyre.
“Miqësia dhe partneriteti strategjik mes Kosovës dhe ShBA-së janë të shenjta. Krenar me angazhimin e dy ushtarëve të FSK-së dhe kontributin e tyre, të cilët pasi përfunduan trajnimin në mars të këtij viti në “Camp Dodge”, për shkak të pamundësisë së udhëtimit si rrjedhojë e pandemisë, vazhduan të qëndrojnë në mbështetje të Gardës Kombëtare të Iowa-s për ta menaxhuar situatën e krijuar nga COVID-19”, shkruan ai në rrjetin social Facebook.
