Kryeministri në detyrë, Ramush Haradinaj i është përgjigjur Edi Ramës në lidhje me refuzimin e ftesës nga ana e Kosovës për samitin e sotëm.
Haradinaj është shprehur se e gjithë ideja e Shengenit Ballkanik është heqja e taksës që Kosova i ka vendosur Serbisë. Ai tha se përderisa ‘Kosova nuk njihet nga Serbia dhe mohohet masakra e Reçakut, iu mbetet t’iu thonë puna e mbarë pa ne’.
“Jemi të interesuar për Shengen, pra për Bashkimin Evropian, Brukselin. Kosova është vend euroatlantik. Kjo është perspektiva jonë”, tha ai.
Haradinaj tha se nëse i dhimbsen kosovarët, Edi Rama të largojë taksën e vendosur në rrugën e kombit.
