Ish-kryeministri i Kosovës, Ramush Haradinaj, shprehet i pakënaqur ndaj Avdullah Hotit lidhur me dialogun që po zhvillohet në Bruksel.
Në një intervistë për RTV21, Haradinaj tha se kryeministri aktual i Kosovës e ka ulur nivelin e bisedimeve, duke dërguar koordinator për të përfaqësuar vendin.
Sipas tij, Hoti duhet të bëjë disa hapa mrapa në raport me dialogun.
“Po i tregoj këtij kryeministri dhe kolegëve të mi në LDK që me apo pa vetëdije jeni futur në një klishe ku dialogun e keni ulur më poshtë se në kohën e Thaçit e Mogherinit. Dialogu ka qenë në nivelin e vendimmarrësve të Presidentit Trump, Presidentit Macron e Kancelares Merkel.
Bëni disa hapa mbrapa. Mos lejoni që t’iu thojnë ky është dialogu. Ky nuk është dialogu. Dialogu është kur ulen në tryezë Kryeministri Hoti Presidenti Macron, Kancelarja Merkel por edhe Presidenti Trump apo i dërguari i tij për këtë temë. Nuk kemi nevojë për një dialog ku njerëzit tonë enden poshtë e lartë”, tha ai.
