Kryeministri në ikje, Ramush Haradinaj ka folur rreth vizitë së të dërguarit të Posaçëm të Trump, Richard Grenell në Kosovë.
I pyetur në emisionin “Open” në Top Channel se pse nuk pati një takim mes tyre, ai tha se ka zhvilluar një bisedë telefonike me të.
“Unë po e zbuloj këtu tek ju se kam pasur një bisedë telefonike me zotin Grenell dhe kam pasur takime më përpara me të në Berlin”, tha ai.
Pjesë nga intervista
Grenell ka dhënë një ultimatum për të hequr takën me Serbinë?
Nuk mund të hiqet taksa pa pasur një marrëveshje me Serbinë. Ai duhet të na sjellë një marrëveshje te konsoliduar me Serbinë dhe e heqim taksën.
Por Grenell ishte i qartë kur kërkoi heqjen e taksës?
Po unë e heq taksën kur Vuçiç të njohë Kosovën. Nuk e heq taksën për të fituar zgjedhjet Vuçiç në pranverë. Në qoftë se Serbia njeh Kosovën unë tani bëj mbledhje qeverie dhe e heq taksën.
