Kryeministri i Kosovës, Ramush Haradinaj sot ka festuar ditëlindjen e 51-të. Këshilltari i Haradinajt, Besnik Tahiri, ka treguar se i tërë stafi i kanë bërë atij një dhuratë modeste.
I ftuar në emisionin “Frontal” në T7, Tahiri tregoi se me rastin e ditëlindjes së Haradinajt, i tërë stafi së bashku i kanë blerë një maicë (bluzë).
“Një maicë ia kemi blerë të gjithë së bashku, ia uruam ditëlindjen dhe vazhduam punën”, tha Tahiri. Edhe vitin e kaluar Haradinaj e kishte festuar ditëlindjen me stafin e tij, me të cilët kishte ecur në një nga malet e Kosovës. /GazetaExpress
