Kryetari i AAK-së Ramush Haradinaj përgjatë një interviste në emisionin “Frontal”, ka hedhur akuza ndaj kryeministrit ende në detyrë të Kosovës Albin Kurtit, lidhur me taksën për mallrat serbe.
Haradinaj deklaroi se Kurti e ka hequr taksën për shkak të interesave ekonomike që ka me Serbinë.
“Kjo qeveri ka interesa të ndërlidhura, pra interesa tregtare me Serbinë”, tha ai.
Në vijim, si për ta përforcuar deklaratën e tij, Haradinaj theksoi:
“Po direkt Albin Kurti! Shihet që nuk e ka heq taksën me kriju një kundër vlerë me Amerikën, as me askënd. E hoqi vetëm në raport me Serbinë. Edhe shihet që njerëzit rreth Kurtit, ata që e rrethojnë apo Albin Kurti ka interesa direkt të lidhura me ekonominë e Serbisë”.
