Presidentja e Komisionit Evropian e cilësoi një moment historik çeljen e negociatave për Shqipërinë dhe Maqedoninë e Veriut. Presidentja e Komisionit Evropian, Ursula von der Leyen, deklaroi gjatë një konference të përbashkët për shtyp me kryeministrin Edi Rama, homologun maqedonas Dimitar Kovačevski, si dhe kryeministrin e Republikës së Çekisë, Petr Fiala, njoftoi hapjen e negociatave për Shqipërinë dhe Maqedoninë e Veriut. Ajo u shpreh se Shqipëria dhe Maqedonia e Veriut kanë treguar përkushtim për vlerat e BE-së, këmbëngulje dhe kanë pasur besim te procesi drejt BE-së.
“Ky është një moment historik, sot Shqipëria dhe Maqedonia e Veriut kanë hapur negociatat për aderimin në BE dhe jam shumë e lumtur që jam këtu me ju. Ky është suksesi juaj, i juaji si qeveri dhe i qytetarëve tuaj. Keni punuar kaq shumë për të arritur deri këtu. Ju keni bërë ndryshim, jo vetëm aty ku janë të detyrueshme për rrugën drejt BE, por sepse janë të mira për vendin tuaj. Këto reforma po japin një cilësi më të mirë jetese. Ne si ju, kemi mbështetur dhe do të vazhdojmë ta bëjmë”.
