Kryeministri Edi Rama, ndodhet në një vizitë zyrtare në Gjermani, nga ku shprehet se do të kërkojë një ‘po’ për çeljen e negociatave për Shqipërinë.
Në faqen e tij në Facebook, fillimisht Rama ndau një foto nga takimi në Komitetin e Çështjeve Evropiane të Bundestagut.
“Në Komitetin e Çështjeve Europiane të Bundestagut për të kërkuar PO-në e parlamentit gjerman për Shqipërinë. Bashkëbisedim i hapur dhe pozitiv”, shkruan ai krahas fotos.
Më pas Rama ka shpërndarë videon e momentit, ku ka mbërritur në Kancelarinë Federale dhe ka takuar kancelaren Merkel.
“Në Kancelarinë Federale për të kërkuar PO-në për Shqipërinë”, shkruan Rama.
