“Finlanda është mbështetëse për një vendim pozitiv për Shqipërinë në tetor dhe po angazhohet drejtpërdrejtë në punën për të bindur vendet anëtare të bëjnë të njëjtën gjë”. Kështu deklaroi ministri Gent Cakaj pas përfundimit të takimit me ministrin e Punëve të Jashtme të Finlandës, Pekka Haavisto.
Diskutimi kryesisht u përqendrua në nevojën për hapjen e bisedimeve të Shqipërisë me Bashkimin Evropian në tetor, duke pasur parasysh që Finlanda aktualisht udhëheq Presidencën e Këshillit të BE-së.
Po ashtu, në takim u diskutua veçanërisht edhe për nevojën e përmirësimit të mëtejshëm të bashkëpunimit tregtar mes dy vendeve, në fushën e arsimit dhe turizmit, si dhe rëndësinë e rritjes së ndërveprimit politik dhe diplomatik mes Shqipërisë dhe Finlandës.
“Vlen të theksohet se nënvizuam edhe nevojën urgjente për liberalizim të vizave me Kosovën ????…
Po ashtu, vlerësuam pozitivisht bashkëpunimin e deritashëm në rrafshin e diplomacisë shumëpalëshe, siç është rasti me OSBE-në, Këshillin e Evropës dhe këmbimin e mbështetjeve për vendin e anëtarit jo të përhershëm në Këshillin e Sigurimit të OKB-së”, shkruan Cakaj.
