Ministri për Europën dhe Punët e Jashtme, Gent Cakaj, ka telefonuar homologët e tij, referuar betejës së përbashkët kundër koronavirusit.
Në rrjetet sociale, Cakaj thotë se telefonatat e zhvilluara patën fokusin e përbashkët luftën kundër COVID-19 dhe bashkërenduar veprimet për hapjen graduale të kufijve dhe rifillimin e fluturimeve.
Në të njëjtën kohë, ministri shpreh falenderimet për mbështetjen e këtyre vendeve për procesin e rindërtimit pas tërmetit dhe luftën kundër pandemisë.
Statusi
Në ndërkohë zhvillova edhe telefonata me Ministrin e Jashtëm të Turqisë ??, z. Mevlüt Çavuşoğlu, të Italisë ??, z. Luigi Di Maio, të Hungarisë ??, z. Péter Szijjártó dhe Sekretaren e Shtetit për Çështjet Evropiane të Francës ??, znj. Amélie de Montchalin për të biseduar lidhur me luftën e përbashkët kundër COVID-19 dhe bashkërenduar veprimet për hapjen graduale të kufijve dhe rifillimin e fluturimeve direkte. Falënderues për mbështetjen e këtyre vendeve për procesin e rindërtimit pas tërmetit dhe luftën kundër pandemisë ?!
