Pas konstituimit të Këshillit të ri Bashkiak të Kamzës, këshilltarët dhe kryebashkiaku i ri socialist i dalë nga zgjedhjet e 30 qershorit, Rakip Suli janë futur në ambientet e bashkisë. Mbështetësit e Partisë Socialiste kanë thyer bravat e derës dhe janë futur brenda.
Para se të ulej në karrigen e kryetarit, Suli u zotua se do iu shërbejë qytetarëve, të majtëve e të djathtëve. Ndësa u shpreh se qytetarëve të Kamzës u ka munguar shërbimi nga bashkia e Mziut.
Në vendngjarje janë shtuar forcat e policisë së shtetit, ndërsa kujtojmë që Mziu ka deklaruar se nuk do ta lirojë Bashkinë e Kamzës, pasi nuk i njeh zgjedhjet vendore të 30 qershorit. Po ashtu, iu bëri thirrje demokratëve që të protestojnë.
