Deputeti i përjashtuar nga radhët e Partisë Demokratike, Myslim Murrizi ka shpërthyer ndaj Bashës dhe të besuarve të tij, të cilët i sfidon që të dalin në zgjedhje me lista të hapura kombëtare dhe aty do të kuptohet sa shumë i duan apo i votojnë qytetarët.
Deputeti shkruan se për të ndryshuar sistemin zgjedhor do bashkojë votat me këdo, madje “edhe me dreqin”.
“Kurrë nuk ka guxuar PD dhe tufa e kërmijve që ka emëruar Basha rreth tij, të artikulojnë një fjalë të vetme për të ndryshuar sistemin sepse ndryshimi i sistemit, flak në puseta të ujërave të zeza tufën që mban pas brezit lidhur kryetari i çdo partie”, shkruan ndër të tjera Murrizi.
