Mbrojtësi i Kombëtares Shqiptare, Elseid Hysaj ka shkruar një dedikim për mikun e tij, Marek Hamsik, i cili është larguar nga Napoli.
“Çfarë të them…që do të mungosh shumë si lojtar, por më shumë si njeri. Ishte një nder të luaja me ty… Fat të mbarë në këtë aventurë. I vetmi kapiten”, shkruan shkodrani në një postim në Instagram.
Hamsik ka zgjedhur të luajë aventurën e re në Kinë tek Dalian, duke lënë një boshllëk tek të kaltrit si lojtar e kapiten. Pas plot 11 vjetësh, Napoli nuk do të ketë në skuadër sllovakun i cili ka qenë gjithnjë mbështetje e madhe për Hysajn.