Deputetja e opozitës së re, Rudina Hajdari, ka folur për ndryshimin e sistemit zgjedhor. Me tone të larta, ajo u është drejtuar deputetëve socialist, pse nuk dalin në mbrojtje të Teatrit. Hajdari ka ngritur sërish zërin për reformën zgjedhore, ndërsa përsëriti thirrjet për opozitën jashtëparlamentare, që të rikthehet në tryezën e bisedimeve.
“Nëse nuk ndryshojmë sistemin, e kemi të pamundur që të ndryshojmë një Shqipëri që është vjedhur, fundosur. Çdo gjë ka marrë fund, se e ka marrë peng politika. Sot qytetarët shqiptar duhet të ishin me një buxhet të paktën 50 mijë dollarë për familje, se Shqipëria ka pasuri natyre. Edhe pse jemi një vend i pasur me naftë, krom, me dete, janë të grabitur nga 5 njerëz. Ti lind me borxhe. Enver Hoxha ka vdekur në 1985, ça po bëjmë ne?
Pse nuk e mbron asnjëri nga ju Teatrin? Ju mban me litar prej fyti kryetari i partisë suaj. SHBA dhe ndërkombëtarët po e çojnë idenë përpara, duhet ndryshimi i sistemit, se politika e këtij vendi e ka marrë peng këtë vend. E latë Shqipërinë në duart e socialistëve, duke braktisur mandatet, hajde të luftojmë këtë vend”, tha Hajdari.
