Deputeti i Partisë Demokratike, Ervin Salianji tha sonte se opozita po mban në pushtet Edi Ramën. I ftuar në “360 Gradë” të gazetarit Artur Zhei në Ora News, Salianji tha ekzaktësisht se asnjë ditë nuk do të rrinte në zyrë Edi Rama nëse nuk do të ishte opozita. Gazetari i pyeti Salianjin se me logjikë i bie që partia e tij po mbani në detyrë Edi Ramën. Deputeti demokrat iu përgjigj se në gjithë botën opozitat janë si një valvul sigurie.
Salianji: Asnjë ditë nuk do të rrinte në zyrë Edi Rama nëse nuk do të ishte opozita.
Zheji: Në këtë logjikë ju po mbani në detyrë Edi Ramën.
Salianji: Në gjithë botën opozitat janë si një valvul sigurie…
Zheji: Dhe shkarkimi.
Ndoshta deputeti demokrat pranoi për herë të parë atë që thonë të gjithë analistët se PD dhe PS janë në një aleancë të përbashkët që nga marrëveshja e 18 majit.
Megjithëse Basha e ka mohuar kryeministri Rama ka thënë se kjo marrëveshje është në fijet të perit por akoma ekziston.
