Mbrëmjen e djeshme e ftuar në “Xing me Ermalin” ishte këngëtarja e mirënjohur Ledina Çelo. Në studio ajo ka folur për marrëdhëniet e mira që ka me dy fëmijët e saj. Ndërsa, e konsideron veten si një nënë liberale dhe madje i thotë djalit të mos martohet shumë herët.
“Jam shumë nënë liberale. Kam qejf që çuni të provojë shumë. Ndoshta për gocën…jo. Po sepse dihet që ju çuna po s’provuat shumë filloni prapë. Nuk ju rri rehat”, u shpreh me shaka Ledina.
Mekëtë deklaratë duket sikur Ledina e hodhi poshtë teorinë e të qenit një “nënë liberale”. Ledina ndër të tjera tregoi se ka një diferencë prej 10 vitesh me bashkëshortin e saj.
“Prandaj thashë edhe burrin më mirë 40 vjeç sepse ia ka nxjerrë bojën jetës”, përfundoi ajo duke shkaktuar të qeshura në sallë.
