Deputeti i Partisë Socialiste, Bashkim Fino nuk ka mbajtur të njëjtin qëndrim me partinë e tij, sa i takon shkarkimit të presidentit Meta.
Gjatë fjalës së tij në foltoren e Kuvendit, Fino tha se shkarkimi i presidentit nuk e zhbën gabimin që ata kanë bërë duke i dhënë mandatin.
Më tej, deputeti socialist, propozoi që mazhoranca të lejonte që Meta të çonte deri në fund skenën e tij teatrale.
“Shkarkimi i presidentit nuk e zhbën gabimin që kemi bërë. Unë propozoj që ta lëmë presidentin ta çojë deri në fund skenën e tij teatrale”, tha ndër të tjera Fino.
