Aktorja e njohur Ana Lika ka qenë e ftuar ditën e djeshme në emisionin “Rudina” ku foli si për çështjet profesionale, ashtu edhe për ato private, siç ishte dhe divorci i prindërve të saj.
Në studion e emisionit, Ana rrëfeu se kishte qenë vetëm 9 vjeçe kur nëna dhe babai i saj ishin ndarë, por ndryshe nga shumë fëmijë të tjerë, ajo nuk e kishte përjetuar si një dramë ndarjen e tyre.
“Kam qenë 9 vjeç, por nuk e kam marrë si disfatë. Unë kam marrëdhënie shumë të mirë me babin dhe me mamin, nuk e kam marrë si traumë fëmijare.”-është shprehur Lika. Ajo gjithashtu ka folur edhe për partnerin e ri të nënës së saj dhe rrëfeu se ai dhe babai i saj kanë një marrëdhënie shumë të mirë.
“Bashkëshorti i sime mëje është një njeri i mrekullueshëm dhe shkon shumë mirë edhe me babin tim. Kjo na ka ndihmuar shumë për të qenë edhe në harmoni si familje.”-tregoi Ana. Burimi: Revista Class
