Që në nisje të muajit dhjetor, Franco Roberti u largua nga posti i Prokurorit të Përgjithshëm të Antimafias dhe Antiterrorizmit italian. Sipas audicionit të fundit nga Komisioni Parlamentar, hetimi në lidhje me fenomenin dhe veprimet e mafias dhe mbi shoqatat të cilat veprojnë nën skenarët e krimit të organizuar, duke përfshirë këtu edhe krimet e shoqatave të huaja, ai tha se veprojnë struktura të rrezikshme kriminale-shkruan Tirana Today.
Franco Roberti ka shtuar para deputetëve italianë se: “Trafikimi i drogës po rritet, është një problem global, i cili do të kërkonte koordinim, bashkëpunim dhe vullnet politik në nivel global, por mund të filloni të bëni diçka të paktën në vendin tonë. Meqenëse është e vërtetë se tregu i kokainës është në rënie si pasojë e asaj që po ndodh në Amerikën e Jugut, por e gjithë tregu i kanabinoidëve “kanabisit” po rritet. Shqipëria sot paraqet veten si një nga prodhuesit më të mëdhenj të kanabinoidëve në botë”.
Prokurori i antimafias, duke referuar para deputetëve italianë, ka risjellë edhe njëherë në vëmendje se tregu i kanabisit po vjen gjithnjë në rritje, ndërsa burimi më i rrezikshëm mbetet Shqipëria-shkruan Tirana Today.
Duke theksuar se trafiku i kokainës në Amerikën e Jugut, tashmë ka pësuar rënie dhe “tregu i zi” e ndjen nevojën e këtij produkti kriminal, por duhet patur kujdes pasi tregu siç e quan ai si “Kanabinoidëve” përbën rrezik. Ai tha se oksigjenin e mjaftueshëm e merr nga Shqipëria, ndonëse bëri të ditur se duhet patur kujdes nga ky fenomen, që mund të shqetësojë shtetin italian-shkruan Tirana Today.
Ai theksoi se vendi ynë, pavarësisht madhësisë gjeografike, tashmë duhet konsideruar si vendi kryesor dhe me prodhimin më të madh të kanabisit.
Prokurori më i lartë i krimit të organizuar në Itali, shprehu shqetësim rreth trafikut të rritur të kanabisit nga Shqipëria, gjatë muajit shkurt të këtij viti.Duke thënë se dërgesat e kanabisit nga Shqipëria është trefishuar në krahasim me vitin e kaluar. Franco Roberti tha se kultivimi i kanabisit është në rritje në anën lindore të detit Adriatik dhe theksoi se shitja e drogës së paligjshme është e lidhura me financimin e ekstremizmit islamik.
Roberts i quajti gjetjet e tij “më shumë se sa një hipotezë investiguese”. Financimi i grupeve tërroriste, burimin i parave nga ky aktivitet i paligjshëm përbën rrezik serioz. Më parë, policia shqiptare ka thënë se më shumë se 3,000 oficerë janë përhapur në të gjithë vendin për të kontrolluar toka të mbjella, depo të vjetra të ushtrisë dhe tunele ose shtëpi të braktisura, ku fara kanabis dhe bimët e vogla mund të mbillen nga persona të lidhur me këtë aktivitet.
Strategjia e planifikimit dhe hipoteza e Prokurorit për tregun e Kanabisit me burim nga Shqipëria.
Roberti ishte edhe në Shqipëri me Bashkimin Evropian si dhe u takua edhe me homologët shqiptarë, pasi ishte i shqetësuar për faktin e trafikut të drogës nga Shqipëria në drejtim të Italisë.Ai spekuloi se një faktor mund të kërkohet për kanabis në Itali, ku ligjet strikte kundër kultivimit i dekurajojnë konsumatorët që të rritin vetë uzinën.Deklarata, arrestimi i Habilajve dhe akuzat ndaj ish- ministrit të Brendshëm Saimir Tahiri.
Nuk ka zgjatur shumë kohë për të dalë në dritë parashikimi i bërë nga Franco Roberti, pasi në muajt e mëvonshën filloi një tregti me sasi të mëdha kanabis me synim tregun italian.Çdo ditë mediat italiane raportonin për raste të shtuara të trafikantëve të drogës, të cilët vinin nga Shqipëria, ndodhi që nuk tregonte gjë tjetër, por thjeshtë një mbështetje të hipotezës së prokurorit të antimafias italiane.
“Grupi i Habilajve” dhe tregtia e drogës. Rasti Tahiri dha akuzat ndaj tij
Grupi i Habilajve, në krye të së cilit ishte Moisi Babilaj, pas përgjimeve të shumta nga Prokuroria e Catanias u bë e mundur kapja dhe arrestimi i “kokave” kryesore të organizimit të drogës dhe trafikut të saj nga Shqipëria me destinacion tregun italian.Menjëherë pas kapjes së Habilajve në Itali, shpërthyen akuzat dhe nisën hetimet për lidhjet e mundshme të ish-ministrit të Brendshëm, Saimir Tahiri, i cili u etiketua si mbështetës dhe bashkëpunëtor me kushërinjtë e tij.
Ky aludim paraprak vuri në lëvizje oraganet e drejtësisë shqiptare të cilët kërkuan arrestimin e Saimir Tahirit, pasi sipas tyre, ai dyshohej se ishte i përfshirë për shkak të detyrës dhe nuk përjashtohej mundësia e mbështetjes nga ana e shtetit për grupin e Habiljave. Pas akuzave të ndërsjella, Prokuroria e Catanias ka përfunduar hetimet në lidhje me grupin e Habilajve, ndërsa thekson se ish-ministri i Brendshëm i Shqipërisë nuk ka asnjë lidhje me trafikun apo mbështetjen ndaj grupit të Habilajve, duke qetësuar disi edhe klimën politike në vend një ditë para betimit të Kryeprokurores së përkohshme në Kuvend, pra 1 javë më parë.
Të gjitha këto zhvillime treguan se hipoteza e ngritur nga Prokurori i Antimafias në Itali, Franco Roberti, tashmë ishte vërtetuar, pasi saisa e drogës së kapur nga Guardia di Finanza në periudhën qershor-nëntor të këtij viti ka qenë tepër shqetësuese dhe në vlera të konsiderueshme.PËRSHTATI TIRANA TODAY.
