Ndërsa politika shqiptare dhe ajo greke janë entuziaste se kryepeshkopi Anastas Janullatos mori shtetësinë shqiptare, ka dhe zëra kundër. Ish-prifti i kishës “Shën Maria” në Elbasan, At Nikolla Marku tha sot se dhënia e shtetësisë është turp i madh dhe përdhosje e historisë.
“Është përdhosur historia e shqiptarëve, martire e kishës ortodokse shqiptare janë shumë të shqetësuar atje ku janë brenda, bashkë një zëri ata thonë çfarë po bëhet atje lart mbi ne?
Kush po e rrëmben Shqipërinë? Grekët luftojnë që kishën ortodokse ta kenë gjithmonë të tyren.
Ne duam që të shkojë drejtësia në vend, duam që kishën ortodokse shqiptare ta drejtojë veprimtarinë e asaj ta shqiptaret më gjak dhe me gjuhe shqiptare,”shpreht Marku.
Ndërkohë lajmi për marrjen e nënshtetësisë së kryepeshkopit Janullatos u përgëzua nga ministri i jashtëm grek, Nikos Kotzias por dhe nga kryetarja e LSI-së, Monika Kryemadhi.
