E enjte, 2 Dhjetor, 2021
11.5 C
Tirana

Gruaja e vrasësit të dhëndrit: Saliaj ka dashur ta shtypë me kamion

Një 53-vjeçar ka kryer vetëgjyqësi një ditë më parë, për të mbrojtur nderin e vajzës. Historia tronditëse e Dhurata Saliaj, e cila dje kishte seancën e 5 gjyqësore, mori një tjetër rrjedhë. I ati mori armën dhe në sy të saj qëlloi drejt ish-dhëndrit, i cili ndërroi jetë.

Ngjarja ishte paralajmëruar, ndërsa gjakrat mes palëve ishte mjaft të nxehta për muaj me radhë. Babë e bijë u vunë në pranga, e ndërsa gruaja e autorit ka ikur nga shtëpia nga frika e hakmarrjes.

Mexhit Picari, 53-vjeç, vrau në mes të lokalit bashkëshortin e vajzës në proces divorci, Kudret Saliaj 41-vjeç, pak minuta para seancës së 5-të, pasi më parë gjykata kishte vendosur që fëmijet t’i lërë me babanë. Sipas një vendimi të mëparshëm të Gjykatës, Dhurata Saliaj do i takonte fëmijët në prani të psikologut, ndërkohë që në gjykatë kishte deklaruar se është fyer dhe kërcënuar nga ish-burri.

Ndarja e vajzës me viktimën Kudret Saliaj ka agravuar situatën në familje. Ngjarja ka nisur në muajin tetor 2020, ku nusja e shtëpisë, Dhurata, pretendonte se bashkëshorti i saj, Kudreti, e kishte larguar nga shtëpia dhe e kishte çuar tek shtëpia e të atit duke mos i lënë asnjë mundësi për të takuar 3 fëmijët. Brenda familjes ka patur pretendime për tradhti bashkëshortore, mosmarrëveshje dhe deklarata për dhunë fizike dhe psikologjike.

Bashkëshortja e autorit: Dhëndri donte të vriste vajzën

Manushaqe Picari, bashkëshortja e Mexhit Picarit, ka thënë për mediat se dhëndri i futi në hasmëri. Ajo është shprehur se vajza e saj Dhurata Saliaji është dhunuar vazhdimisht nga Kudret Saliaji, duke theksuar se ai ishte shumë i dhunshëm. Madje ajo shton se ish-burri i vajzës ka dashur që të shtypë me kamion Mexhitin.

“Erdhi që ta vriste burrin tim me kamion, që ta shtypte. Nëse goca ime ka rrahur vjehrrën, të shkonte vjehrra në polici dhe të tregonte provat. Ai rrihte gocën dhe e futi në burg për “dhunë në familje”. Ku e ka ekspertizën që goca i kishte rrah? I kanë saju të gjitha gjërat vetë. E ka çarë gocën duke e rrahur që të binte goca ime në burg e të shpëtonte ai”, tha Manushaqe Picari.

Lexo edhe :   “U kthye nga Italia, por nuk erdhi në banesë”, i ati denoncon zhdukjen e vajzës

Manushaqe Picari ka deklaruar se dhëndri e dhunonte gjithmonë vajzën e tyre, dhe se e ka futur në burg pa të drejtë, pasi kishte para.

“Bëj 52-vjeç i tha Mexhiti, hajde që të vish me gjithë vajzë. Filloi duke na shajt në telefon dhe pasi na shajti na e solli gocën. Pastaj i tha se do të paraqitesh në Rajonin nr.4 sepse ke dhunuar kalamajt. E ka rrahur, punonte te stadiumi, 10 veta duke e rrahur gocën dhe nuk ka pranuar që të tregojë familjes dhe as mamit të vet. Goca thonin gjasme sikur ka rrahur burrin, e burri ishte dy metra!

Lexo edhe :   “U kthye nga Italia, por nuk erdhi në banesë”, i ati denoncon zhdukjen e vajzës

Ma futën në burg, pa të drejtë. Kishte lek dhe e futi në burg e i kërkoi divorcin. Ai paguante lekë në Gjykatë, dhe vajzën nuk e linte që të takonte fëmijët. Unë nuk kam fol me njeri dje, kam qenë tek lokali, duke punuar me djalin, më futi dhëndri në hasmëri! Kudreti e mbylli vajzën një herë në kasolle. Ka qenë i dhunshëm gjithmonë. Mu fut edhe burri në burg tani”, tha Picari.

Masakra në mes të Tiranës

Ngjarja e rëndë ndodhi mesditën e datës 4 qershor, në një lokal pranë Gjykatës së Tiranës, ku Mexhit Picari, vrau në mes të lokalit bashkëshortin e vajzës në proces divorci, Kudret Saliaj 41 vjeç, pak minuta para seancës së 5-të. I plagosur mbeti dhe avokati i viktimës, Adriatik Cama.

Kudret Saliaj u qëllua me 8 plumba, nga vjehrri, ndërsa në trup e kanë kapur 5 plumba. Viktima në momentin që është vrarë nga ish-vjehrri, ndodhej pranë gjykatës duke konsumuar një kafe me avokatin e tij, në këtë proces divorci, Adriatik Camaj, i cili po ashtu ka mbetur i plagosur. Autori ka qenë bashkë me vajzën Dhurata Saliaj në të njëjtin lokal me viktimën, disa karrige me tej. Mexhit Picari i ka shkuar nga afër Kudret Saliaj dhe e ka qëlluar me pistoletë. Pasi ka kryer vrasjen, është larguar në këmbë mes pallatesh. Ai është arrestuar tek shtëpia e vajzës së tij në Yzberisht. /TIRANA TODAY

- Reklama -

Më shumë nga kategoria




Të fundit

Haklaj plas ‘bombën’: Noka do tentojë të pushtojë selinë e PD më 12 dhjetor

Ish-kryetari i PD-së në Tropojë, Azgan Haklaj, ka lëshuar një deklaratë të fortë teksa ka thënë se Flamur Noka po përgatit strukturat për të...

Tensionet Rusi-Ukrainë, Lavrov dhe Blinken takim ‘kokë më kokë’

Sekretari amerikan i Shtetit, Antony Blinken dhe Ministri i Jashtëm rus Sergey Lavrov, u takuan të enjten në Stokholm, Suedi, mes shqetësimeve në rritje...

Nëse “Foltorja” është demokraci, atëherë PD e meriton Berisha&Bashën

Nga: Ben Andoni Nëse në fillim njerëzit e PD-së mundoheshin të gjenin atë të veçantën dhe mënyrën sesi do të mbrohej Berisha me etiketimin “Non...

Ben Blushi dorëhiqet nga drejtimi i “Top Channel”

Ben Blushi ka dhënë dorëheqjen nga "Top Channel", media e njohur të cilën e drejtonte prej katër vitesh. Nga sot ai nuk është më...

Komiteti Teknik publikon masat e reja, çfarë do ndodhë nga 4 janari

Pas rritjes së rasteve dhe shtrirjes së madhe në mbarë botën si pasojë e variantit Omicron, Komiteti Teknik i Ekspertëve ka vendosur që të...