Sot është shkrumbuar shtëpia e 38-vjeçarit Klodian Çalamani, i cili vrau 8-vjeçarin Mateo Vasiu. Banesa e vrasësit gjendet shumë pranë asaj së familjarëve të viktimës.
Dhoma e vetme ku jetonte 38-vjeçari, është djegur së bashku me ato pak orendi që ishin brenda.
Ndërkohë kujtojmë se 38-vjeçari është dënuar me burg, dhe gjendet në burgun e Vlorës në izolim.
“Në fshatin Grecalli, Fier, ka marë flakë dhe është djegur pjesërisht banesa e shtetasit K. Ç., 38 vjeç. Grupi hetimor po punon për përcaktimin e shkaqeve të rënies së zjarrit”, njofton policia në një informacion të shkurtër për ngjarjen.
38-vjeçari ushqehej shpeshherë edhe nga familja Vasiu, të cilëve ai u mori jetën e djalit të tyre të vogël, të martën e 16 nëntorit.
