Një rrugë në kryeqytetin e Brazilit është shembur në mënyrë të beftë duke krijuar një gropë gjigante, në afërsi të një parkingu makinash. Si rezultat i gropës, brenda saj kanë përfunduar të paktën 4 makina që ishin të parkuara aty në momentin e ngjarjes.
Sipas mediave braziliane, gropa është shfaqur nga hiçi dhe ka përpirë katër makina. Deri tani raportohet se nuk ka viktima. Sakaq, policia ka filluar hetimet. Dyshohet që shkak për shembjen e rrugës të jetë një kantier ndërtimi në afërsi të vendngjarjes.
