Gripi bën kërdinë, 433 shqiptarë në spital vetëm në një javë

Muaji Janar shënon edhe pikun e virozave dhe të gripit në Shqipëri. Kjo për shkak të uljes së temperaturave dhe të kushteve të paqëndrueshme të temperaturave.
Sipas të dhënave të Institutit të Shëndetit Publik, java e parë e janarit shënoi 433 persona të prekur nga viruset e gripit.
Sipas mostrave të marra për verifikim është gjetur në 60% të rasteve virusin e tipit A dhe në 40% të rasteve virusin B.
Mjekët bëjnë apel për kujdes të shtuar ndaj simptomave duke sqaruar prindërit se karakteristikë e virusit është dominimi i temperaturës së lartë për disa ditë.
Përveç kësaj, mjekët tërheqin vëmendjen për të mos u dyndur në urgjencat e spitaleve por gjatë orëve të natës të përdorin qendrat e hapura 24 orëshe.
Mbingarkesa e mjediseve të urgjencës shton sëmundshmërinë dhe fëmijët e prekur nga gripi mund të marrin edhe viruse të tjera në qarkullim.

Lexo edhe :

• Shqiptarët rritën shpenzimet ndaj shëndetit, Fieri mban rekord

• Gjykata e Vlorës liron xhaxhanë e “Ben Qimes”, ja arsyeja

• “Më ra nga makina”, mjeku tregon gjendjen e 5-vjeçarit që u gjet në rrugë