Politikë

Grida Duma flet për qëllimin e saj të vetëm në politikë


               Publikuar në : 20:05 - 25/08/19 Enno

Ish-deputetja e Partisë Demokratike, Grida Duma, teksa ishte e ftuar në emisionin “Treshat”, ka folur për denoncimet e PD-së bërë disa ditë më parë ndaj kryebashkiakut të Shkodrës, Valdrin Pjetri, i cili dha dorëheqjen pas publikimit të dokumentit për dënimin në Itali. Si dhe tregon arsyet që sipas saj, çojnë në zbrazjen e Shqipërisë dhe largimin e të aftëve.

“Mungon gara reale në shkolla, mungon gara në administratë, gare për një vend pune, mungon gara e ndershme mes bizneseve, mungon gara për tu rritur në një vend pune, mungon gara e mendimeve në politikë, mungon dhe gara reale me zgjedhje të lira mes partive dhe brenda partive politike…. një mungesë meritokracie që prodhon mediokritet dhe ndalon zhvillimin e shoqërisë përveçse pamundëson rritjen e individit të spikatur, te formuar!

Kur mungon gara s’ka pse të përpiqesh , dhe pastaj fajësojnë shqiptarët pse nuk përpiqen”, tha Duma.

Ndërkohë, ish-deputetja është pyetur edhe për qëllimin që ka në politikë. “Kam vetëm një qëllim në politikë jo një post, jo një status, por të bëjmë të mundur të fitojë grupi, shoqëria dhe Shqipëria, duke shtruar rrugën për më të aftët dhe duke bërë rregulluar që të mos fitojë vetëm njëri! Të zhdukim kulturën e njëshit, “unë jap unë marr unë vë në heq” kjo e ka shkatërruar atë vend plotësisht. Grupi, njerëz të rinj që marrin përgjegjësi dhe bashkëpunojnë.”

Kthehu
WhatsApp Denonco ne TT