Në deklaratën për shtyp gjatë mesditës së sotme, presidenti Ilir Meta apeloi ndaj qeverisë që të ulet sa më parë në dialog me naftëtarët greviste të Ballshit, përpara se situata shëndetësore e tyre të përkeqësohet më tej.
“Dialogoni sa më parë për një zgjidhje sa më të pranueshme dhe të arsyeshme, pa u përshkallëzuar situata me pasoja.
Është e rëndësishme që të bëhen çdo përpjekje me mirëbesim. Përpara se të kemi probleme dhe pasoja me shëndetin e tyre”, deklaroi kreu i shtetit.
Gratë naftëtare u futën sot në ditën e 12 të grevës së urisë.
