Klement Balili është dërguar në spitalin e burgut në Tiranë për mjekim më të specializuar.
Mësohet se Balili, fillimisht ka kryer një ekzaminim neurologjik në spitalin e qytetit të Elbasanit.
Balili ishte pjesë e grupit të të burgosurve që kanë nisur grevë urie në burgun e Peqinit, në regjimin 41Biss pas letrës së dërguar disa ditë më parë liderëve kryesorë të shtetit ku kërkonin ulje të dënimeve.
Klment Balili, i njohur edhe si ‘Eskobari i Ballkanit’ vuan dënimin për trafikim lëndësh narkotike në burgun e Peqinit.
Ai u dënua me 10 vite burg nga Gjykata e Krimeve të Rënda në maj të vitit 2019.
