Këngëtarja Greta Koçi ka folur për jetën e saj, teksa ishte e ftuar sot në emisionin “E Diell”.
Ajo është kthyer pas në kohët e fëmijërisë në intervistën e mbajtur me moderatorët Edi Manushi dhe Fjoralba Ponari. Një moment prekës ka qenë çasti kur në monitor është shfaqur një foto dhe një video me gjyshen që nuk jeton më dhe kaq ka mjaftuar që ajo të përlotet.
E pyetur se si ka qenë Greta fëmijë, këngëtarja tha:
“Kam qenë shumë llafazane, po e urtë. Nuk bëja piktura, apo rrëmujë, nuk kam qenë e tillë. Mami rrinte me një kamera gjithë kohës mbas meje, më lyente pak dhe gjithë kohës këndoja.
Ah çfarë fotoje më keni sjellë këtu! Kur e kujtoj unë prekem sepse ka qenë njeriu që më ka rritur. Gjyshja ime, e cila nuk jeton më. Eh këtu ka qenë viti ’95, do më prishet grimi tani që ma kujtuat. Kam pasur një lidhje shumë të veçantë me të”, tha Greta ndër të tjera.
