Policia greke ka kapur një automjet luksoz me drogë në kufirin greko-shqiptar. Operacioni i policisë helene është zhvilluar në Kostur, ku është ndaluar një mjeti tip “Mercedes-Benz” ML, ngjyrë e bardhë, fuoristradë.
Policia ka ushtruar një kontroll të imtësishëm në impiantin e gazit të mjetit. Brenda në bombol, janë gjetur dhe sekuestruar 35 pako me 31 kg 944 gram marijuanë. Veç bombolës një sasi droge është gjetur e futur dhe në porën e bagazhit.
Në mjet janë gjetur dhe sekuestruar edhe 2900 euro dhe 20 mijë lekë të reja shqiptare, 3 celularë dhe 2 karta SIM. Mjeti është me targa shqiptare. Në pranga drejtuesi i mjetit shqiptar 43 vjeç dhe bashkëshortja shqiptare 37 vjeçe.
