Greqi ka ndërmarrë masa të reja kundër koronavirusit për Krishlindjet. Qeveria do të ofrojë teste pa pagesë, në dispozicion të qytetarëve. Testet, në kuadër të masave të reja kundër pandemisë së koronavirusit, do të jenë në dispozicion pa pagesë për të gjithë qytetarët në dy këste, përkatësisht i pari do të jepet nga data 6 dhjetor deri më 12 dhjetor dhe i dyti nga data 3 janar deri më 7 janar.
“Nga data 6 deri më 12 dhjetor, do të jetë në dispozicion pa pagesë vetë-testim për çdo të rritur, të vaksinuar dhe jo, në mënyrë që të identifikohen bartësit e mundshëm asimptomatikë të virusit përpara Krishtlindjeve”, tha Kyriakos Mitsotakis.
E njëjta gjë do të përsëritet nga data 3 deri më 7 janar, për të regjistruar ecurinë e transmetimit të pandemisë gjatë festave të fundvitit. “Sepse është e rëndësishme që të gjithë të kontrollojmë veten”, shtoi kryeministri.
“Njoftimet e detajuara do të bëhen nesër nga ministri i Shëndetësisë Thanos Plevris, ndërsa janë siguruar edhe 20 milionë vetë-testime të tjera përmes Mbrojtjes Civile për nevojat e shkollave tona”, tha kryeministri.
Burimi i lajmit: TANEA. Përshtatur nga Tirana Today
