Pas alarmit në Itali nga koronavirusi, vemendja është kthyer tashmë nga Greqia. Frika është shtuar edhe më shumë, ndërsa sot raportohet për rastin e katërt të infektuar me koronavirus.
Bëhet fjalë një 36-vjeçare greke, e cila pak ditë më parë ishte kthyer nga Italia e veriut. Autoritetet shëndetësore kanë raportuar se ajo po mbahet nën izolim.
36-vjeçarja greke, është dërguar në një zonë të izoluar në spitalin Attikon të Athinës.
Në Itali deri më tani janë regjistruar 17 viktima dhe 650 të infektuar, ndërkohë numri i këtyre të fundit po rritet nga ora në orë.
Në Shqipëri nuk ka asnjë rast të konfirmuar me koronavirus.
