Ministri i Jashtëm grek, Nikos Dendias po zhvillon një vizitë zyrtare në Greqi.
Pas përfundimit të takimit me kryeministrin Edi Rama, Dendias nuk la pa përmendur edhe Turqinë.
Ai tha se i ka drejtuar një letër Komisionerit për Zgjerim, Oliver Varhelyi, për konfliktin me Turqinë.
Dendias i ka kërkuar komisionerit të shqyrtojë menjëherë veprimet e Turqisë në të gjitha dimensionet, madje deri në tërheqjen e unionit doganor.
Ministri u shpreh se duhen ndaluar materialet ushtarake, pasi përdoren për veprime që destabilizojnë zonën tonë.
Nikos Dendias: “Më vjen keq që fqinji jonë Turqia vijon të shkelë çdo ditë kriteret themeltare të integrimit në BE. Jam detyruar t’i dërgoj një shkresë komisionerit Varhelyi, duke i thënë se Turqia po shkel unionin doganor dhe duhet të shqyrtohet menjëherë marrja e masave për këtë gjë. Kam kërkuar me keqardhje, që të ekzaminojë komisioni të gjitha shkeljet në dimensionin e tyre, madje deri në tërheqjen e unionit doganor.
Kam theksuar edhe veprimet e fundit që janë tepër shqetësuese në Mesdhe. Duhen ndaluar materialet ushtarake, pasi përdoren për veprime që destabilizojnë zonën tonë. Ajo që ne duhet të ndërtojmë së bashku, fokusi ynë i përbashkët është që të kemi një të ardhme paqësore të gjithë së bashku. Kësaj të ardhmeje i shërben prezenca ime sot këtu’’.
Rama dhe Dendias u shprehën se kishin rëndë dakord që çështja e detit t’i lihet drejtësisë ndërkombëtare.
Pas Ramës, Dendias pritet që të ketë takime dhe me presidentin e vendit Ilir Meta, si dhe me kreun e opozitës Lulzim Basha, por edhe përfaqësues të minoritetit grek në Shqipëri.
https://www.facebook.com/edirama.al/videos/1104152250000110/
