Greqia ka shpallur paketën e masave për periudhën e Krishtlindjeve, lidhur me situatën kritike që po kalon me pandeminë. Nga data 13 dhjetor e deri më 7 janar, do të ndalohet qarkullimi nga ora 22:00 deri në orën 05:00.
Kishat do të hapen vetëm për ditën e Krishtlindjeve. Mbeten në fuqi masat për vizitorët në Greqi, në aeroport dhe rruge tokësore, me protokollin PLF dhe testin negativ molekular të 72 orëve të fundit.
Zëdhënësi i qeverisë greke ka deklaruar disa prej masave lehtësuese në periudhën e Krishtlindjeve deri në datën 7 janar. Disa prej tyre janë: “Nga e hëna hapen floktoret, libraritë dhe shërbimet teknike të automjeteve. Hapen kishat ditën e Krishtlindjeve dhe ditën e Ujit të Bekuar (6 janar) me 9 besimtarë kishat e vogla dhe 25 mitropolitë.
Ora policore nga 21:00-05:00 është bërë nga 22:00-05:00. Do të hapen dyqanet e pakicës, por vetëm për të blerë në mënyrë elektronike mallrat, dhe duke e marrë produktin jashtë derës së dyqanit”.
