Nga sot hyn në fuqi masa e pezullimit nga puna për punonjësit e pa vaksinuar në sistemin shëndetësor në Greqi. Rreth 10 mijë punonjës të këtij sektori nuk e kanë marrë ende vaksinën. Me ligjin e ri, bluzat e bardha do të pushohen nga puna si për mbrojtjen e tyre ashtu edhe për shëndetin e pacientëve për të cilët kujdesen.
Për rrjedhojë pritet që të shkaktohen boshllëqe në sistemin shëndetësor, të cilat pritet të përcaktohen me saktësi në 48 orët e ardhshme. Qeveria ka hartuar një plan që përcakton si do të vendosen infermierët dhe mjekët e vaksinuar, në mënyrë që të plotësohen boshllëqet e krijuara në disa qendra shëndetësore.
