Mediat greke kanë publikuar pamjet e një prej episodeve të vjedhjeve të bandës shqiptare para disa javësh që terrorizoi pronarët e dyqaneve në Greqi. Një nga shqiptarët futej brenda zyrave ose dyqaneve me pretekstin e shpërndarjes së fletëpalosjeve, për të kaluar më pas te hapi i radhës, grabitja. Ndërsa shoku i tij priste jashtë me motor, për t’u larguar me shpejtësi.
Në videon në fjalë shihet pronari i dyqanit që zihet me njërin nga autorët, që tentoi t’i vidhte celularin. I riu shqiptar e shtyn pronarin e biznesit dhe zhduket.
Banda u shpërbë nga Sigurimi i Atikës Verilindore dhe pak ditë më parë, policia publikoi fotografi dhe detaje të tre kriminelëve. Sipas hetimit të policisë, autorët, duke lëvizur me një motor, shkuan në dyqanet ose zyrat e përditshme, të cilat ishin në funksion.
Një nga kriminelët mbeti jashtë dyqanit në gatishmëri, duke siguruar largimin e sigurt dhe të menjëhershëm nga vendi i vjedhjes.
Bashkëpunëtori i tij hyri në dyqan, me pretekstin e shpërndarjes së fletëpalosjeve, të cilat i linte në celularë ose pajisje të tjera elektronike që kishte vënë në shënjestër. Menjëherë më pas, ai i mblodhi ato, duke hequr pajisjen në të njëjtën kohë. 11 raste vjedhje dhe një tentativë grabitje u hetuan nga Sigurimi.
Burimi i lajmit: Law&Order. Përshtati Tirana Today
