Edhe Greqia ka pasur një përkeqësim të bilancit nga koronavirusi.
Në 24 orët e fundit, në shtetin fqinj janë shënuar 6 viktima, ndërsa janë shtuar 20 raste të reja infektimi.
Ndërkohë numri total i të prekurve nga COVID-19 në Greqi ka shkuar në 1,755. Ndërsa numri i përgjithshëm i viktimave ka shkuar në 79.
Mediat greke bëjnë me dije se 90 persona të infektuar janë në terapi intensive dhe ndodhen në gjendje kritike për jetën.
Deri më tani, 269 persona janë shëruar nga COVID-19. Ditën më të zezë Greqia e ka shënuar këtë të premte, teksa shënoi 10 viktima brenda 24 orëve.
